RUDRA KESAR : PREME JITELA SWABHIMANNI GATHA

“બાઈ, રાજરાણીઓના નસીબ આમ જ લખાયેલાં હોય છે. તમે કંઈ પહેલાં નથી અને છેલ્લા પણ નહીં જ હો.” સુમને કહ્યું અને આ સાંભળતાં જ કેસરબાઈએ ઊંડો શ્વાસ લીધો અને સેજ ૫૨ પોતાના ચણિયાની કો૨ પાથરી ઘૂંઘટ થોડો વધુ નીચો કર્યો. કેસરે નીચું જોઈ જ જવાબ આપ્યો, “હવે તું જા. રાણાજી આવવામાં જ હશે. મારે તેમની સાથેનો હિસાબ સમજી લેવો પડશે.”

આ સાંભળતાં ગભરાઈને સુમને કહ્યું, “જુઓ બાઈ, તમારો અણિયાળો અહમ્ બાજુએ મૂકીને હિસાબ સમજજો. આ તમારું પિય૨ નથી અને રાણાજી જેટલા શાંત, ગંભી૨ અને સમજદાર દેખાય છે એટલા જ રણભૂમિમાં ખૂંખા૨, ભયંક૨ અને બેરહેમ છે. સાંભળ્યું છે કે એ હજુ સુધી એક પણ યુદ્ધમાં પરાજિત નથી થયા. એટલે જ કહું છું, કેસ૨બાઈ, ધી૨જ અને શાણપણથી કામ લેજો. યુદ્ધભૂમિનો તેમનો મિજાજ તમારા શયનગૃહની અંતરંગ પળોને સ્પર્શવા દેશો નહીં.” સુમને ફરી એકવા૨ કેસ૨બાઈને સમજાવવાની કોશિશ કરી જોઈ.