SHABDA NI SUGANDH : MOTICHARO PART: 7

શબ્દની શક્તિ તમજ શબ્દના પ્રભાવથી આપણે સૌ માહિતગાર છીએ જ, પરંતુ શબ્દનાં અંગે અંગમાંથી ઊઠતી સુગંધની પણ એવી જ શક્તિ હોય છે. દુનિયામાં અલગ અલગ જગ્યાએ બનેલા, રચાયેલા કે લખાયેલા પ્રસંગો, એમની મીઠાશ તેમજ તાજગી તો આપે જ છે, પરંતુ એ લખાણમાંથી હૃદયને સ્પર્શી જતું કોઈક તત્ત્વ એવું હોય છે જે આપણાં મનને હળવું ફૂલ બનાવી આપે છે. એને હું શબ્દનું સુગંધસ્વરૂપે કહું છું. આ પુસ્તકમાં એવા પ્રસંગો જ લીધા છે જે વાંચ્યા પછી એમની મહેક મૂકતા જાય.

શબ્દમાં બધું જ છે. બધા પ્રસંગો વાંચ્યા પછી એમાંથી ઊઠતી મંદ મંદ અદ્ભુત સુગંધનો મેં અહેસાસ કર્યો છે. લખાણમાંથી નીકળીને એ દિલોદિમાગને તરબતર કરી નાંખે, આંખોને ભીજવી દે, ગળામાં કાંઈક અટવાઈ ગયું હોય એવી પ્રતીતિ કરાવે એવું મેં ઘણી બધી વાર અનુભવ્યું છે. આશા રાખું છું કે એ જ અહેસાસ, એ જ પમરાટ આ વાતો વાંચનાર દરેકના આંતરમન સુધી પહોંચે અને શબ્દના આ અનેરા આયામનો બધાને પરિચય થાય.

ડૉ. આઈ. કે. વીજળીવાળા

 
મન ખિન્ન થાય, મૂંઝવા અનુભવાય ત્યારે આ પુસ્તકને અમૃતનો આસવ ગણી લઈને પ્રસંગો વાંચવા બેસી જાઉં છું.

– દેવેન્દ્રભાઈ ભટ્ટ

લેખક મૂળ કથાના મર્મને ઉપસાવવા રસાળ શૈલી અને ભાષા યોજે છે. એ વાંચવાથી જીવનમાં પ્રેરણા અને શ્રદ્ધાબોધ મળશે.

– બકુલભાઈ ટેલર