SHIV SANHITA

શ્રાવણ માસની પાવનતા અને મહાદેવ પ્રત્યેની અખૂટ ભક્તિને શબ્દોમાં વ્યક્ત કરતી સુંદર કૃતિ છે ‘શિવસંહિતા’. સુપ્રસિદ્ધ સાહિત્યકાર હરદ્વાર ગોસ્વામી અને રક્ષા શુક્લ દ્વારા રચિત આ પુસ્તકમાં ભગવાન શિવ સાથે જોડાયેલા પાવન પ્રસંગો, ભાવભીની ભક્તિ, સ્તુતિ અને સ્તોત્રોનો રસસભર આસ્વાદ મળે છે.

મહાદેવના વિવિધ સ્વરૂપો, તેમની લીલાઓ અને ભારતીય આધ્યાત્મિક પરંપરામાં રહેલા શિવતત્ત્વને નજીકથી અનુભવવાની તક આ પુસ્તક વાચકને આપે છે. શ્રાવણના પવિત્ર મહિનામાં વાંચન સાથે ભક્તિ અને આધ્યાત્મિકતાનો સુંદર સંગાથ બને એવી આ કૃતિ છે.

‘શિવસંહિતા’ એટલે મહાદેવની ભક્તિ, ભાવ અને રહસ્યમય લીલાઓ સાથે જોડાતી એક સુંદર સાહિત્યિક યાત્રા - શ્રાવણ માસમાં પોતાને અને શિવતત્ત્વને વધુ નજીકથી અનુભવવા માટે.

સુપ્રસિદ્ધ સાહિત્યકાર હરદ્વાર ગોસ્વામી અને રક્ષા શુક્લની પ્રતિષ્ઠિત દૈનિક 'દિવ્ય ભાસ્કર'ની લોકપ્રિય કૉલમ 'શ્રાવણસુધા' સંમાર્જિત સ્વરૂપે હવે 'શિવસંહિતા'ના નામે.

આ પુસ્તકમાં છે...

• શ્રાવણ માસનાં માહાત્મ્ય સાથે શિવના અદ્ભુત અલૌકિક પાવન પ્રસંગો.
• ભાવભીનાં ભજનો, સ્તુતિ અને સ્તોત્રો.
• બાર જ્યોતિર્લિંગનો ઉજ્જ્વળ ઇતિહાસ અને વરખ મઢ્યો વર્તમાન.
• જીવનને બદલી દેનારાં વિચાર મૌક્તિકો.
• જીવથી શિવ અને આત્માથી પરમાત્મા સુધીની ઊર્ધ્વયાત્રા.
• જીવનને સાત્ત્વિક, સકારાત્મક અને સુંદર બનાવવાની ચાવીઓ.
• દેવાધિદેવ મહાદેવની રહસ્યલીલાનો ઉઘાડ.
• જે પણ કલ્યાણરૂપ છે એ બધું શિવસ્વરૂપ છે.